Pasuri me vlerë 1 milion euro janë sekuestruar dhe i kanë kaluar shtetit. Lajmi është bërë me dije nga Prokuroria e Posaçme kundër Krimit të Organizuar dhe Korrupsionit (SPAK), e cila thotë se kjo pasuri është krijuar nga trafiku i drogës në Danimarkë.
Janë konfiskuar 2 pulari në Shkodër me vlerë 800 mijë euro, 5 automjete të ndryshme si edhe rreth 250 mijë euro para kesh. Vendimi është marrë këtë të hënë.
“Pasuri dhe Cash konfiskuar nga SPAK! Pasuri e krijuar nga aktivitet kriminal – trafik ndërkombëtar droge në Danimarkë. Vlera: 1 Milion € i kalojnë shtetit shqiptar. Një aktivitet biznes pulari në Shkodër =400 mijë € / Një aktivitet biznes pulari në Shkodër =400 mijë / 5 automjete të ndryshme / 173 500 € & 8.6 Milion lek cash”, njofton SPAK./Opinion.al
