Dy persona janë arrestuar nga Policia e Durrësit pasi ishin shpallur në kërkim ndërkombëtar nga drejtësia italiane për trafik droge e pjesëmarrje në organizatë kriminale.
Autoritetet bëjnë me dije se në pranga ka rënë Ilir Plaku, 55 vjeç, dhe Braniol Liço (Ago), 45 vjeç të dy banues në Durrës.
Për Ilir Plakun Gjykata e Apelit në Cagliari në Itali, në vitin 2014, ka dhënë denimin me 5 vjet, 11 muaj e 12 ditë burgim, për veprat penale “Trafikimi ndërkombëtar i narkotikëve” dhe “Rezistencë ndaj punonjësit publik”, parashikuar nga Kodi Penal italian.
Braniol Liço (Ago) është dënuar nga Gjykata e Apelit në Brescia në Itali, në vitin 2016, me 7 vjet e 6 muaj burgim, për veprat penale “Trafikim ndërkombëtar i narkotikëve” dhe “Organizatë kriminale”.
Autoritetet shqiptare vijojnë bashkëpunimin me ato italiane për ekstradimin e dy të arrestuarve drejt shtetit fqinj ku dhe do të vuajn dënimin./ Opinion.al
