Këtë mëngjes Japonezët kanë mësuar emrin e “epokës së re”. Perandori aktual Akihiro do të abdikojë nga froni më 30 prill 2019 pas 30 vitesh në pushtet, ndërsa vendin e tij do ta marrë princi 57-vjeçar Naruhiro.
Ditën që do të përfundojë epoka “Heisei”, emri që Perandori aktual zgjodhi kur hipi në fron tre dekada më parë dhe që do të thotë “kudo paqe”, do të nisë epoka “Reiwa”, që nënkupton “harmoni dhe fat”.
Kjo është një traditë e hershme e Japonisë, ku çdo perandor përcakton emrin që do të shënjojë periudha e tij e udhëheqjes, duke formuar një kalendar paralel me atë gredorian, i cili vendoset edhe në dokumentet zyrtare. Për shembull, viti 2019 ishte Heisei 31, ose H31, pra viti i 31-të i epokës Heisei. Kur Princi Naruhito të bëhet zyrtarisht perandor, viti do të quhet Reiwa 1 ose R1.
Zgjedhja e emrit të ri iu besua një grupi prej nëntë ekspertësh të nivelit të lartë, ku bënte pjesë edhe Shin’ya Yamanaka, shkencëtari që në vitin 2012 fitoi çmimin Nobel për mjekësinë./Opinion.al
