Mëngjesin e kësaj të hëne serbët në veri të Kosovës vijuan protestën e tyre para godinave të komunave Zveçan, Zubin Potok dhe Leposaviç.
Situata paraqitet kryesisht e qetë, megjithatë nuk mungojnë incidentet, si në rastin kur protestuesit lëshuan shishe e sende të tjera në drejtim të autoriteteve ligjzbatuese.
Shisheve nuk u shpëtoi as kryetari i Listës Serbe, Goran Rakiç. Sipas Radio Europa e Lirë, Rakiç kërkoi nga tubuesit para ndërtesës së Komunës në Zveçan që të lëvizin, në mënyrë që të kalonin automjete të njësisë speciale të Policisë së Kosovës. Ata nuk e lejuan duke thirrur “tradhti”.
Kur ndaloi pranë mjetit të njësisë speciale, protestuesit hodhën shishe boshe në drejtim të Rakiç.
Kujtojmë se përveç forcave të policisë së Kosovës, misioni paqeruajtës i NATO-s, KFOR, ka shtuar prezencën në veri.
