Kreu i grupit parlamentar i Partisë Socialiste, Taulant Balla në një prononcim për mediat ka folur lidhur me çështjen “Toyota Yaris”, për të cilën kryedemokrati Lulzim Basha e denoncoi 3-4 vite më parë.
Sipas Ballës, Basha e hodhi akuzës ndaj tij pasi qeshi më shumë se të gjithë për 7×7=42. Kreu i grupit parlamentar i PS tha se Basha t’i përgjigjet prokurorëve belgë dhe shqiptarë.
“Po merr goditjen e duhur, pasi nëse Basha para 3-4 vitesh akuzonte me të njëjtën mënyrë siç bënte dhe babai i tij politik Berisha. Sot jemi në kushtet kur Basha duhet të paguajë kostot e kësaj politike. Jam shumë krenar para të gjithë atyre që më kanë besuar, që një akuza e pavërtetë që Basha adresoi drejt meje me arsyeje se unë po qeshja më shumë me 7×7 bëjnë 42. Tani mendoj se zoti Basha ka gjithë kohën e mjaftueshme në dispozicion që t’iu përgjigjet prokurorëve belgë dhe shqiptarë. Një njeri që kishte aq shumë informacion, të shkojë t’i japë informacion autoriteteve belge dhe shqiptare. Gënjeshtra e Lulit ishte gënjeshtër, dhe me apo pa dijeni, shkatërroi operacionin. Unë kam fituar një betejë gjyqësore, juridike dhe jam krenar. Tani se ca bën zoti Basha me pëllumbat që lëshon herë pas here, e di vetë”,-tha Balla./Opinion.al
