Totti bëhet me vajzë. Ja lidhja e çuditshme me trajnerin Spaleti

Dje në mbrëmje, në klinikën “Mater Dei” të Romës sulmuesi i skuadrës verdhekuq Francesco Totti është bërë baba për të tretën herë. Pas dy djemve, Cristian (11 vjeç) e Chanel (9 vjeç), bashkëshortja e sulmuesit romanist, “show-girl” Ilary Blasi, ka sjellë në jetë një vajzë, që e kanë quajtur Isabel (peshon 3.240 kg). Blasi ishte shtruar në maternitet që gjatë paradites, e shoqëruar nga kapiteni i Romës, lajm që ka pushtuar të gjitha mediat italiane. Totti nuk ka shkuar dje në stërvitjen e Romës, por sot pritet të festojë me skuadrën lindjen e fëmijës së tretë. Interesant fakti se të tri fëmijët e Tottit kanë lindur kur në stolin e Romës ka qenë trajner Luciano Spalleti (2005, 2007 dhe aktualisht 2016), marrëdhëniet me të cilin nuk janë shumë të mira.