Tottenham ka prezantuar zyrtarisht stadiumin e tij të ri, “Tottenham Hotspur Stadium”, një nga impiantet më modernë dhe bashkëkohor të futbollit europian.
Skuadra londineze përuroi stadiumin e ri të saj, që u ndërtua mbi rrënojat e “White Hart Lane” të vjetër, në mënyrën më të mirë të mundshme, me fitoren 2-0 ndaj Crystal Palace.
“Tottenham Hotspur Stadium” ka një kapacitet me 62.062 vende, stadiumi i dytë më i madh në “Premier League” pas “Old Trafford”-it të Manchester United. Kostot e ndërtimit kapin shifrën e mbi një miliard eurove, dhe nuk do të përdoret vetëm për ndeshjet e futbollit europian, por do të presë edhe sfida të futbollit amerikan dhe ndeshje boksi.
Në impiant janë instaluar dy ekranet më gjigantë të Europës Perëndimore, ndërsa sektori i tifozëve vendas ka një kapacitet prej 17.500 vendesh dhe është konceptuar sipas modelit “Muri i Verdhë” të Borussias së Dortmundit. Sa u përket abonimeve, më të kushtueshmet janë 19 mijë paund në sezon./Opinion.al
