Avokati i Popullit , Igli Totozani tha se 84 kandidatë për komisionet e vettingut i kanë plotësuar kriteret formale të parashikuara në ligj.
“Pas përfundimit të këtij procesi rezulton se numri i kandidatëve që i kanë plotësuar kriteret formale ka shkuar në 84. Ndërsa 109 kandidatë aplikantë nuk i kanë përmbushur kriteret formale të parashikuara,” tha Totozani.
“Aktualisht i kemi dorëzuar Misioni Ndërkombëtar të Monitorimit (ONM) listën me emrat e kandidatëve të cilët i kanë plotësuar kriteret formale dhe listën e kandidatëve që nuk i kanë plotësuar kriteret,” tha ai.
Totozani tha se lista e plotë me emrat e kandidatëve që i kanë plotësuar kriteret do të publikohet në faqen zyrtare të avokatit të popullit.
Deklarata e Avokatit të Popullit vjen më shumë se tri javë pasi parlamenti vendosi për t’i dhënë 7 ditë kohë aplikantëve për anëtarë të komisioneve të Vetting -ut që kishin mangësi në dokumentacion, por dhe aplikimeve të reja.
Me të marrë listën e kandidatëve që plotësojnë kriteret, pritet të Parlamenti të thërrasë një seancë të vecantë për ngritjen e komisioneve të vettingut.
