Roma fitoi një ndeshje me përmbysje dhe të ndërprerë nga reshjet e shiut. Skuadra kryeqytetase mundi me rezultatin 3 – 2 Sampdoria.
Moti i keq në Romë e ndali takimin për 80 minuta, ndërsa Genoa – Fiorentina u shty. Miqtë edhe pse kryesonin 2 – 1 sfidën nuk arritën të ruanin epërsinë. Francesco Totti i cili hyri në fushë si zëvendësues dha pasimin për të parin dhe shënoi golin e dytë.
Një sukses i rëndësishëm që e ngjit Romën në vendin e dytë në kuotën e 7 pikëve. Milan nuk po arrin të ketë vijueshmëri duke pësuar një humbje në shtëpi në një ndeshje ku krijoi pak raste shënimi. Skuadra e Montella u dorëzua përballë Udinese në çastet e fundit të takimit që përfundoi me rezultatin 1 – 0.
Perica realizoi në minutën e 88’. Një ditë më parë parë Juventus dhe Napoli fituan takimet e javës së tretë. Sot në mbrëmje skuadra e Pescara do të presë Inter.
