Kampionati anglez i futbollit kishte rezervuar një supersfidë këtë javë midis Mançester Junajtid dhe Totenhemit por “djajtë e kuq” kanë dalë me turp nga stadiumi i tyre.
Takimi u mbyll me rezultatin tenistik 1-6 për kryeqytetasit e Totenhemit duke shënuar një nga humbjet më të rënda në “Old Trafford”
Junajtid shënoi shumë shpejtë me anë të një penalltie të shndërruar në gol nga Bruno Fernandes në minutën e dytë.
Por vetëm dy minuta më vonë, do të fillonte goleada e Totenhemit. Mesfushori Ndombele, barazoi dhe më pas një dopietë e Son dhe një gol i Kein vendosën rezultatin e pjesës së parë në 1-4.
Aurier dhe Kein shënuan në pjesën e dytë dhe rezultati final i sfidës, u vulos në 1-6.
Pozitat e trajnerit të Mançester Junajtid, Solskajer janë më të pasigurta se kurrë pas kësaj humbjeje poshtëruese ndërsa Murinjo del i kënaqur pasi mposhti ekipin që e shkarkoi para se ai të merrte pankinën e Totenhemit./ Opinion.al
