Një histori tronditëse ajo e 22-vjeçares shqiptare që mbahej e mbyllur dhe e torturuar brenda banesës së saj në Greqi prej 2 vitesh.
Sipas gazetës greke Protothema, bashkëshorti kishte nisur ushtrimin e dhunës pas lindjes së foshnjës që ishte vajzë, ndërkohë që ai dëshironte një djalë. As gruaja dhe as vajza nuk janë lejuar të dalin nga banesa gjatë gjithë kësaj periudhe.
Kur lindi fëmija, nëna dhe foshnja jetuan për pesë muaj me grila të mbyllura, ndërkohë që rrahjet dhe dhuna ishin të përditshme. Sipas gazetës, 28-vjeçari nuk e lejonte nënën të shkonte te mjeku për vaksinimin e fëmijës dhe as të thërriste mjekun në shtëpi
Gjithçka është zbuluar mbrëmjen e 21 shtatorit, kur britmat e të resë kanë tërhequr vëmendjen e fqinjëve që I janë afruar banesës. Pasi ka hapur derën 28-vjeçari ka tentuar të arratiset, por është bllokuar nga familjarët ndërsa më pas ka ndërhyrë policia duke bërë të mundur arrestimin e tij. Siç u mësua, atë natë 28-vjeçari, pas dhunës së rritje e ka kapur nga qafa të renë dhe ka tentuar ta mbysë, ndërsa nga këqyrja e mëpasshme e gruas vërtet janë konstatuar shenja mbytjeje.
“Jam dhunuar, i kam shpëtuar shumë herë vdekjes. Ai më kërcënoi se nëse ikja në Shqipëri do të vinte dhe do të vriste prindërit e mi”,mësohet të ketë treguar gruaja për autoritetet./Opinion.al
