TIRANE- Bamir Topi paralajmëroi se në rast se PS nuk reflekton, FRD do të ndërpresë bashkëpunimin e vendosur për zgjedhjet me pushtetin vendor.
Topi tha se pakti ndaloi së funksionuari me përfundimin e fushatës. Ai shprehu hapur zhgënjimin e tij për mos respektimin e marrëveshjes për zgjedhjet e pushtetit vendor me Partinë Socialiste.
“Luajaliteti nuk duhet të konsiderohet vetëm në parametrat e zhvillimit të një fushate elektorale deri në marrjen e një rezultati. Për një politikan apo grup politikanësh gjëja më e rëndësishme është bashkëpunimi për implementimin e politikave. Duhet të ketë një rikonsiderim të kësaj marrëveshjeje, dhe pastaj në çdo rast, FRD, ndonëse beson shumë nuk shmanget nga vendimmarrje të tilla që do ta rikthenin FRD-në gjithmonë në autonominë e vet të plotë”, tha Topi. /oranews/
