Nga çadra e ngritur para Kryeministrisë, Jozefina Topalli i është përgjigjur kërkesës së eurodeputetit gjerman Fleckenstein për t’u rikthyer në Kuvend.
Topalli deklaron se nuk jemi në kushte normale se vendi qeveriset nga droga dhe kriminelët, prandaj nuk do të rikthemi në Kuvend pa u larguar kjo qeveri.
“Ky është një fillim që unë besoj dhe uroj që të shumëfishohet në vazhdim pa u shkëputur nga qëndresa para Kryeministrisë”, tha ajo.
E pyetur për deklaratën e Fleckenstein se Berisha duhet t’i lerë përrallat sorosiane, Topalli tha se jemi në liri dhe jo në kohën e diktaturës dhe cdo kush duhet të thotë atë që mendon.
