Ish- kryeministri britanik Tony Blair ka prekur sot rreth orës 18:30 tokën shqiptare. Raportohet se këshilltari i qeverisë shqiptare ka zbritur me helikopter në fushën e stadiumit të Himares dhe jo pa qëllim.
Burime të News 24 bëjnë me dije se ai është takuar me kryeministrin Rama në këto momente në vilat qeveritare në Himarë.
Kujtojmë se kreu i qeverisë ndodhet prej disa ditësh me pushime në Jug të vendit, ndërsa ka zëra se edhe Tony Blair mund të kalojë disa ditë pushime në bregdetin shqiptar.
