Në mbledhjen e sotme të qeverisë, Këshilli i Ministrave ka liruar nga detyra prefekten Suzana Jahollari.
Mësohet se në vendin e saj është emëruar Toni Gogu. Më herët, Gogu ka qenë kryetar i Këshillit Bashkiak të Tiranës dhe zv/ministër i Drejtësisë.
VENDIMI NGA KËSHILLI I MINISTRAVE
V E N D I M
PËR
LIRIMIN DHE EMËRIMIN NË DETYRË TË PREFEKTIT TË QARKUT TË TIRANËS
Në mbështetje të neneve 100 e 114, të Kushtetutës, dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
- Znj. Suzana Jahollari, prefekt i Qarkut të Tiranës, lirohet nga kjo detyrë.
- Z. Toni Gogu emërohet prefekt i Qarkut të Tiranës.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ERION BRAÇE
