Kreu i Partisë Demokratike, Sali Berisha, pas takimit me Kryesinë e Degës në Pogradec ditën e sotme deklaroi se misioni i shqiptarëve është që të shpëtojnë Shqipërinë nga regjimi monist i kryeministrit Rama.
Gjatë deklaratës për media, kryedemokrati Berisha tha se gara elektorale e 25 prillit ishte një garë mes shtetit elektoral dhe subjekteve të tjera dhe jo një garë elektorale dhe se sipas tij se u përdorën tonelata me euro të krimit për të blerë votat.
“Në këtë takim shtrova para tyre misionin e madh, që ka sot cdo demokrat dhe demokrate. Që ka sot PD për të shpëtuar Shqipërinë nga një armik i vërtetë i lirisë së shqiptarëve, i cili ka përqendruar në duart e tij duke dhunuar voton. Në garën elektorale të 25 prillit, ajo ishte një garë mes shtetit elektoral dhe subjekteve të tjera, çka do të thotë se ajo nuk ishte një garë elektorale. Po i lëmë mënjanë tonelatat me euro që të krimit që janë blerë votat, bandat që janë përdorur për të ushtruar terror. Unë po marr ketu makinerinë shtet.
Pushteti i Ramës i përqendruar sot 10% më shumë sesa në vitin 1991 tek Ramiz Alia është një pushtet i rrezikshëm, i cili ka shndërruar makinerinë shtetërore në një makineri gjigande mashtrimi për qytetarët, makineri plaçkitje dhe grabitjeje të qytetarëve, Ka shndërruar shtetin shqiptar në një shkelmues të interesave kombëtare të shqiptarëve. Të gjitha këto dëshmojnë se demokratët janë para një misioni historik, për të shpëtuar Shqipërinë nga ky regjim monist”, deklaroi Berisha./Opinion.al
