Shefja e epidemiologjisë në ISHP, Eugena Tomini ka folur në lidhje me situatën e krijuar nga pandemia COVID-19 në vendin tonë.
Në një intervistë për “TV Klan”, Tomini është shprehur se aktualisht Shqipëria është pranë pikut të infektimeve me koronavirus, ndërsa në javët në vijim pritet rritje të rasteve të reja.
“Aktualisht sipas projeksioneve jemi gati në pikun e valës, themi që edhe në tre, katër javët në vijim presim trend të rritur të rasteve me COVID. Në kryeqytet kemi transmetim komunitar. Kemi rritje të rasteve dhe transmetim komunitar. Transmetimi komunitar është e dendur e gjithë harta e Tiranës është e kuqe. Mbi 70 % e vatrave janë familjare, por nën vëzhgim po mbahen edhe shkollat. 77% janë vatra familjare, pjesa tjetër institucione, por edhe në klasa në struktura arsimtare në sistemin parauniversitar”., – u shpreh Tomini.
Teksa u pyet për situatën në transportin publik, Tomini tha se qytetarët duhet ta shmangin sa më shumë atë shërbim.
“Transporti publik , baret kafet dhe restorantet duhet të evitohen. Transportin publik do ju rekomandoja popullatës ta evitonte. Është një ndër shërbimet që është në qendër të vëmendjes për t’u vlerësuar dhe monitorimi në të njëjtën mënyre si strukturat arsimore dhe shërbimit urbane po shihen në dinamik në krahasim me evidencën dhe do kemi edhe një vendimmarrje”., –u shpreh shefja e epidemiologjisë në ISHP./ Opinion.al
