TIRANË- Deputeti i Shkodrës Tom Doshi ndërsa kishte shkuar në gjykatë për t’u pajtuar me kreun e Komisionit të Sigurisë, Spartak Braho ka hedhur deklaratën bombë: “Nuk pajtohem me të…ka vrarë njerëz”. Kështu u shpreh Doshi teksa doli nga Gjykata e Lartë.
Doshi e kishte paditur për shpifje Brahon dhe kishte kërkuar dëmshpërblim vetëm 1 euro. Në seancën e parë mes tyre, atë të pajtimit, Braho tha se deklarata e tij ndaj Doshit nuk ka qenë personale por në emër të LSI-së.
Ndërsa Doshi duke dalë nga gjykata tha se “unë s’pajtohem me shpifës dhe njerëz që kanë bërë krime. Spartak Braho ka vrarë ushtarë në moshën 18vjeçare në kohën e komunizmit”.
