TIRANË- A janë pajtuar Tom Doshi e Mark Frroku? Pamjet lënë të kuptohet se akulli mes tyre po shkrihet.
Ata janë takuar pas 7 muajsh në hollin e Gjykatës së Lartë, ku kishin shkuar secili për çështjen e tij gjyqësore. Kamerat kanë fiksuar momentin kur Doshi dhe Frroku kanë qenë ballë për ballë dhe janë përshëndetur. “Ku je o Tom Doshi” i flet Mark Frroku, ndërsa Doshi ia kthen me një përshendetje me dorë.
Dikur shokë të ngushtë, Doshi e Frroku u prishën për atë që njihet me emrin “atentati Doshi”, ku Mark Frroku i doli kundra duke deklaruar se s’kishte dijeni dhe duke e lënë në një fare mënyre në baltë Doshin, i cili kishte dhënë se ia kishte prezantuar ai Durim Bamin.
Mesa duket koha i shëron të gjitha dhe Toma ka filluar të ndjejë dhembshuri për Markun. I pyetur nga gazetarët për raportin mes tyre, Tom Doshi tha se: Marku është në burg ju pyesni a jeni pajtuar…”.
Mark Frroku i cili mbahet në burg prej disa muajsh u paraqit në Gjykatën e Lartë sot për revokimin e masës së sigurisë arrest me burg, duke pretenduar pafajësinë.
Ndërsa deputeti Tom Doshi ishte në gjykatë për procesin me Spartak Brahon te cilin e ka paditur per shpifje dhe ka kërkuar të gjobitet me 1 lekë.
https://youtu.be/LJGcKMb4dwM
