Udhëtimi me linjat urbane në drejtim të Laprakës, Institutit Bujqësor apo Kamzës është një mundim më vete.
Mjafton një vëzhgim i shpejtë, për të kuptuar se asnjë prej urbanëve të këtyre linjave nuk ka ose nuk e përdor kondicionerin.
Mungesa e kondicionerëve pohohet edhe nga vëtë pasagjerët.
Kur termometri i ka kapërcyer 36 gradët në kryeqytet, drejtuesit e këtyre mjeteve e zëvendësojnë kondicionerin me ajrin që hyn nga xhamat e hapur.
Por edhe më problematike paraqitet situata në linjën e Senatoriumit.
Siç duket videon amatore, të filmuar nga pasagjerët, shoferi ka udhëtuar me dyer hapur, për të sjell pak freski për udhëtarët, por në të njëjtën kohë, ka vënë në rrezik jetën e tyre, duke thyer kështu rregullat e qarkullimit rrugor.
Këto nuk janë linjat e vetme në kryeqytet, që kanë probleme me kondicionimin. Agjencia për Konsumatorët në Bashkinë e Tiranës ka gjobitur disa herë Shoqëritë e Transportit Urban, për të cilat vijon të ketë ankesa se nuk përmbushin standardet pavarësisht ndëshkimit.
Tv Klan
