Një ngjarje e rëdë mësohet të ketë ndodhur pasditen e sotme në rrugën “Besim Alla”, në Tiranë. Një 40 – vjeçar është masakruar me sende të forta dhe madje i kanë prerë edhe veshin. Idetiteti i burrit në fjalë është i panjohur ende, ndërsa ngjarja është rrëfyer nga dëshmitarë okularë.
Banorët të tmerruar rrëfejnë se teksa i plagosuri zbriste nga shkallët e pallatit gjaku i rridhte pa pushim por askush nuk i afrohej.
“O zot nuk mund ta besoj nëse është e vërtetë apo jo, veshi i tij ishte i varur, pallati ynë është i lyer gjithë gjak lajmërova ambulancën sepse ishte shume keq, shpresoj të vij në vetë. Mbaj mend që pëshpëriste një emër, mendoj se mos ndoshta e ka dhunuar vëllai pasi ai është i sëmurë mendor” është shprehur një banore e pallatit.
“Gjendja u bë akoma më e rënduar pasi 40 vjeçari humbi ndjenjat edhe asnjë nuk i afrohej madje as edhe të afërmit e tij siç duket kanë dashur ta vrasin” thotë administatori i pallatit A.L.
Ndërkohë mësohet se i plagosuri është dërguar në spitalin “Nënë Tereza” për të marrë ndihmë mjekësore.
