Një prej ngjarjeve më tronditëse prej nisjes së konfliktit mes terroristëve të Hamasit dhe Izraelit është regjistruar në zonën e Kibbutz Kfar Aza, në jug të Izraelit.
Trupat e foshnjave të reja izraelite, duke përfshirë disa me kokë të prerë, janë gjetur nga ushtarët izraelitë.
Sipas autoriteteve izraelite forcat e Hamasit kanë kryer një masakër duke i marrë jetën 40 foshnjave. Ushtarët izraelitë në vendngjarje thonë se nuk e dinë ende se sa civilë kanë vdekur, megjithatë autoritetet shprehen se disa familje, duke përfshirë 40 foshnjat dhe fëmijë të mitur, janë po ashtu në mesin e të vdekurve.
Kfar Aza ishte një nga zonat më të goditura kur terroristët e Hamasit sulmuan Izraelin të shtunën në mëngjes.
Në një deklaratë të martën, gjeneralmajori izraelit Itai Veruv tha:
“Ju shihni foshnjat, nënat, baballarët, në dhomat e tyre të gjumit, në dhomat e tyre të mbrojtjes se si terroristi i vret. Nuk është luftë, nuk është fushë beteje. Është një masakër, është një aktivitet terrorist.”
Trupat izraelite tani po shkonin shtëpi më shtëpi për të tërhequr trupat e civilëve. Ata nuk kishin qenë në gjendje t’i merrnin më parë, pasi ata ende po luftonin me persona të armatosur.
Sulmi i koordinuar me shumë fronte ndaj Izraelit nga Rripi i Gazës, territori palestinez i kontrolluar nga Hamasi, erdhi pothuajse 50 vjet pas Luftës së Yom Kipurit të vitit 1973 dhe shënoi një përshkallëzim dramatik në konfliktin e gjatë izraelito-palestinez./Opinion.al
Hamas beheaded babies.
We will eradicate them. pic.twitter.com/EnE827G3XV
— Eylon Levy (@EylonALevy) October 10, 2023
