Tridhjetë zyrtarë dhe ish-zyrtarë të Hipotekës dhe të ALUIZN-it në Durrës po hetohen për tjetërsim pronash në bregdet. Burime nga Prokuroria e Durrësit i thanë ABC News se ka dyshime që ata në bashkëpunim me njëri-tjetrin kanë tjetërsuar pronat në bregdet dhe për këtë arsye janë sekuestruar shumë dosje të cilat po hetohen. Bëhet fjalë për tokat në bregdetin e Gjirit të Lalzit, Ishmit, Hamallajt dhe të Kallmit.
Vetëm 10 ditë më parë u bënë arrestime të bujshme në Lezhë. 23 persona mes tyre kryetari i bashkisë së Lezhës, Fran Frrokaj akuzohen për tjetersimin e tokave ne bregdetin e Shengjinit, konkretisht tek “Rana e hedhun”.
