Edhe pse të dënuar nga Gjykata për tjetërsimin e pronave në zonën e Ranës së Hedhur në Shëngjin, Policia e Lezhës ka dështuar që të arrestojë të dënuarit.
Pas arrestimit të ish-kryebashkiakut të Lezhës, Fran Frrokaj, i cili u vetëdorëzua, policia nuk ka mundur të vëjë në pranga asnjë nga 14 personat e përfshirë në ngjarje.
Prej dy ditësh policia vijon kontrollet për prangosjen e tyre por pa ja arritur qëllimit.
Në këto kushte ata pritet të shpallen në kërkim ndërkombetar, pasi nuk përjashtohet mundësia që të jenë larguar jashtë territorit shqiptar.
