Një tjetër vrasje ka ndodhur në Tiranë. Lajmi është konfirmuar nga zëdhënësi i policisë së shtetit, Gentian Mullai në një prononcim për mediat. Mullai bëri të ditur se është ekzekutuar një 31-vjeçare dhe se autori është larguar menjëherë pas krimit.
Viktima është identifikuar si Etleva Kurti. Ajo u gjet e vrarë me armë zjarri në banesën e saj në Kamëz, në rrugën “Besëlidhja”.
Policia aktualisht thotë se rrethanat e vrasjes së të resë janë të paqarta.
“Ndërkohë kemi pasur një ngjarje tjetër kriminale në Kamëz në rrethana të paqarta është vrarë një shtetase 31 vjeçe. Për të dyja ngjarjet është ngritur një grup i posaçëm hetimor ku vijon puna për zbardhjen e rrethanave të ngjarjes dhe identifikimin e autorit të ngjarjes në Kamëz. Për momentin nga të dhënat e para nuk kemi të bëjmë me të njëjtin autor, pra ngjarja e parë dhe ngjarja e dytë nuk janë të lidhura me njëra tjetrën, por po punojmë dhe në vijim do të keni një informacion më shterues për të gjitha ngjarje”, tha për gazetarët zëdhënësi i policisë, Gent Mullai.
