Një tjetër vrasje me thikë është regjistruar këtë të martë, pas ngjarjes së rëndë në Durrës ku djali vrau të atin dhe vrasjes së ndodhur rreth një orë më parë në një restorant, në Komunën e Parisit, në Tiranë.
Policia informon se vrasje me thikë është regjistruar edhe në Berat. Sipas uniformave blu viktimë ka mbetur një 42-vjeccar nga Tirana.
“Rreth orës 15:10, në lagjen e Kalasë, shtetasi K. M., alias K. H., 63 vjeç, banues në lagjen “Barrikadë”, Berat, dyshohet se gjatë një konflikti për motive të dobëta ka goditur me mjet prerës shtetasin K. H., 42 vjeç, banues në Tiranë, i cili ka humbur jetën”, informon policia.
Sakaq, shërbimet e policisë janë vënë në ndjekje të autorit dhe po kontrollojnë zonën për kapjen e tij. Po ashtu grupi hetimor vijon punën për përcaktimin e rrethanave dhe dokumentimin e plotë të ngjarjes.
