Katër emigrantë kanë humbur jetën pas përmbysjes së gomones së tyre gjatë përpjekjes për të kaluar kanalin e La Manshit. Kjo është bërë e ditur nga rojet bregdetare të Francës, që citohen nga mediat ndërkombëtare.
Gjatë natë, një patrullë detare dha alarmin se emigrantët kishin rënë nga mjeti lundrues pa mjetet e nevojshme të shpëtimit.
“4 persona humbën jetën dhe 63 të tjerë janë shpëtuar”, thekson policia franceze. Në operacionin e shpëtimit u përfshinë një helikopter dhe një anije peshkimi.
Arsyeja e tragjedisë, sipas autoriteteve, ishte shpimi dhe përmbysja e gomones. Deri më tani nuk janë dhënë shumë detaje mbi shtetësinë e viktimave apo personave të tjerë të shpëtuar.
