Duket se tragjeditë në familjet shqiptare s’kanë të ndalur. Sot raportohet një tjetër rast i rëndë vetëvrasje. Një burrë i ka dhënë fund jetës pasi ishte kthyer nga Gjermania. Arben Tahiraj, 50 vjeç ka varur veten në shkallët e shtëpisë së tij në Golem. Ai ka lënë një letër për familjarët dhe fëmijët ku shpjegon arsyet që e çuan drejt aktit të rëndë.
Letra e të ndjerit:
Nexhi, Lume, Halil, ju kërkoj falje për veprimin tim, por më mirë kështu sesa të jetë vonë dhe të më krijohet ndonjë sëmundje nga problemet e mëdhaja që më janë krijuar, me ralitetin e jetës që mu servir nga fati im i keq.
Unë humba familjen që për mua është gjithçka në jetën time. Tani nuk kam më asgjë për të humbur prandaj nuk gjej forcë për të vazhduar më tej dhe të ndërmarr këtë veprim të shëmtuar.
Më vjen shumë keq për shqetësimin që po ju sjell. Ju lutem fëmijët mos i njoftoni, kur të kur të vijë momenti më vonë kur të jenë rritur, tregojani dhe ju thoni se babi i donte shumë që të tre, Jonin, Glorian dhe Julian, por fati e solli që të ndaheshim nga njëri-tjetri që ishte shumë e rëndë.
Ju kërkoj të falur të gjitha familjeve tuaja së bashku me fëmijët, kushërinjve, miqve dhe të gjithëve që më janë gjendur pranë dhe më kanë mbështetur në ditët e mia të vështira.
Ju përqafoj fort të gjithëve duke ju thënë të ma falni veprimin e dobët të vetëvrasjes.
Në portofol janë 265 euro dhe 20 mijë lekë të reja shqiptare. Nuk janë shumë por përdorini në fatkeqësinë time. Nuk kam më shumë se kaq.
06.12.2016
Vëllai juaj Arben Tahiri
P.S Janë edhe dy letra të vajzave ruajini si kujtim kur të rriten, janë në gjermanisht.
