Një tjetër sulm me armë zjarri është regjistruar në Shtetet e Bashkuara të Amerikës.
Dy persona u vranë dhe një i tretë ka mbetur i plagosur kësaj here në ambientet e një Kishe në Vestalia Hill në Alabama. Një i dyshuar, emri i të cilit nuk bëhet i ditur, është në paraburgim.
Departamenti i Policisë Vestavia Hills tha se mori një telefonatë se një sulm me armë po ndodhte në Kishën Episkopale të Shën Stefanit rreth orës 18:22 me kohën lokale.
Të enjten mbrëma, kapiteni i policisë së Vestavia Hills, Shane Ware, u tha gazetarëve se tre persona u qëlluan. Dy vdiqën dhe një i tretë po trajtohej në spital.
Sipas Ware, i dyshuari hyri në kishë gjatë kohës që po zhvillohej një takim në grup dhe hapi zjarr.
Ware nuk dha një motiv të mundshëm ose ndonjë detaj të mëtejshëm mbi rrethanat e të shtënave, megjithëse ai tha se policia beson se nuk ka asnjë kërcënim të mëtejshëm për komunitetin.
FBI dhe Shërbimi i Marshallëve të SHBA-së ishin ndër disa agjenci federale dhe lokale që morën pjesë në hetim.
