Pika kufitare Glloboçicë – Jazhincë mes Kosovës dhe Maqedonisë së Veriut do të operojë me një kontroll të vetëm të përbashkët që prej ditës së sotme.
Kjo pikë-kalimi e përbashkët është pjesë e marrëveshjes së nënshkruar në nëntor 2024, në mbledhjen e përbashkët të qeverive të Kosovës dhe Maqedonisë së Veriut, që parashikon dy pika kufitare të përbashkëta: Hani i Elezit – Bllacë dhe Glloboqicë – Jazhincë, sipas Ministrisë së Punëve të Brendshme.
Kjo është pika kufitare e dytë që bëhet vetëm me një kontroll pas asaj të Hanit të Elezit – Bllacë, që u inaugurua në prill.
