Instituti Kombëtar i Shëndetësisë Publike në Kosovë bëri të ditur se të enjten janë regjistruar 83 raste të reja me koronavirus.
Sipas njoftimit, nga testimi i 457 mostrave, më së shumti raste të reja me Covid-19, janë regjistruar në Komunën e Vushtrrisë, përkatësisht 15 raste, pasur me 14 raste në Prishtinë, 12 në Gjilan dhe në disa komuna të tjera që kanë më pak se dhjetë raste.
Po ashtu, gjatë 24 orëve të fundit janë shëruar edhe pesë pacientë, duke e çuar në 973 numrin e përgjithshëm të të shëruarve.
Sipas shifrave të fundit, në Kosovë, që prej shfaqjes së rasteve të para me koronavirus më 13 mars, në total janë regjistruar 1,916 raste, ku prej tyre, 34 pacientë kanë humbur jetën. /Opinion.al
