Një tjetër incident detar është regjistuar në detin Adriatik, 15 milje larg bregut të Durrësit.
Sipas raportimeve ne media, Peshkarexha “Perëndesha” dhe veliera “Blue Moon” me flamur anglez janë përplasur rreth orës 02.30 të ditës së sotme, në det të hapur.
Në peshkarexhë ndodheshin 5 persona, ndërkohë që në velierën e vogël ishte një çift britanik.
Fatmirësisht nga incidenti detar nuk pati të lënduar, por vetëm dëme materiale, sidomos tek veliera e huaj.
Ky është incidenti i dytë detar në gjirin e Durrësit, i ndodhur në më pak së 24 orë, pas atij të regjistruar një ditë më parë, kur peshkarexha “Elton 1” u godit nga trageti i linjës Durrës-Bari.
