Një tjetër aksident është regjistruar mbrëmjen e sotme në rrugët e vendit. Policia bën me dije se rreth orës 17:45, në lagjen Nr.11 në Durrës, një automjet ka aksidentuar këmbësorin e mitur N. K., dhe është larguar nga vendi i ngjarjes.
“Rreth orës 17:45, në lagjen Nr.11 Durrës, një automjet ka aksidentuar këmbësorin e mitur N. K., dhe është larguar nga vendi i ngjarjes. I mituri ndodhet nën kujdesin e mjekëve, jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
Kujtojmë se një aksident tragjik u regjistrua në në Rrugën e Kombit. Autoritetet bënë me dije se dy automjete u përplasën në aksin rrugor Milot-Rrëshen dhe si pasojë ndërrun jetë një fëmijë 3-vjeçar dhe babai i tij./Opinion.al
