Carlo Ancelotti ka lavdëruar guximin e Antonio Conte-s për të ndryshuar taktikat e tij, duke mundësuar kështu tjetërsimin e Chelsea dhe fitimin e titullit kampion në Premier League. Fitorja 1-0 e së premtes ndaj West Brom siguroi një kurorë të dytë në tri vite për skuadrën nga “Stamford Bridge”. Conte pati një fillim të përzier në Angli, pasi Chelsea mori tri fitore radhazi, një barazim dhe dy humbje në gjashtë ndeshjet e para të Premier League.
Ndryshimi rrënjësor taktik që implementoi, formacioni me tre mbrojtës, bëri që të nisnin shpejt kritikat e para. Por ky guxim profesional, në fakt ishte çelësi i suksesit. Chelsea marshoi në krye të tabelës së renditjes, derisa e siguroi edhe matematikisht titullin në Angli, ditën e djeshme. Dhe Carlo Ancelotti, i cili e drejtoi Chelsea-n në mes të viteve 2009 dhe 2011, beson se mendja taktike e ish-trajnerit të Juventusit ka qenë çelësi i rritjes së bluve të Londrës.
Ndryshimi rrënjësor taktik që implementoi, formacioni me tre mbrojtës, bëri që të nisnin shpejt kritikat e para. Por ky guxim profesional, në fakt ishte çelësi i suksesit. Chelsea marshoi në krye të tabelës së renditjes, derisa e siguroi edhe matematikisht titullin në Angli, ditën e djeshme. Dhe Carlo Ancelotti, i cili e drejtoi Chelsea-n në mes të viteve 2009 dhe 2011, beson se mendja taktike e ish-trajnerit të Juventusit ka qenë çelësi i rritjes së bluve të Londrës.
“Conte nuk ka bërë ndonjë mrekulli, por ka bërë shumë mirë punën e trajnerit, – tha trajneri i Bayern Munich për “Sky Sports”. – Ai arriti të vendoste idenë e tij të futbollit dhe kishte guximin të ndryshonte kur duhej. Kur e kuptoi se gjërat nuk po shkonin mirë, ai e ndryshoi menjëherë sistemin e lojës dhe ky ka qenë çelësi i sezonit. Blerja e N’Golo Kante shenjoi sezonin, Eden Hazard dhe Diego Costa janë kthyer në nivelet e tyre më të mira, ndërsa David Luiz ka bërë një sezon të madh pa gabime.” Kujtojmë se Chelsea do të kthehet në veprim të hënën, në ndeshjen e parafundit të sezonit, kundër Watford. Blutë e Londrës kanë për të luajtur edhe një finale, atë të “FA Cup”, më vonë, këtë muaj, kundër Arsenalit të Arsene Wenger.
