Një banesë është përfshirë nga flakët në Tiranë dhe si pasojë është lënduar një vajzë e vogël 8-vjeçare.
Sipas policisë, ngjarja ka ndodhur rreth orës 12:40, në fshatin Façesh, në Dajt, në banesën e shtetasit B. B.
Ndërkohë, e mitura është transportuar në spital dhe fatmirësisht ndodhet jashtë rrezikut për jetën.
“Më datë 29.07.2022, rreth orës 12:40, në fshatin Façesh, në Dajt, ka rënë zjarr në banesën e shtetasit B. B., dhe si pasojë është dëmtuar vajza e tij e mitur 8 vjeçe, e cila ndodhet në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
