Dy vajza të mitura, shoqe me njëra-tjetrën, janë raportuar të humbura nga familjarët, të cilët janë drejuar në polici. Mësohet se vajzat e moshës 16-vjeçare janë larguar nga banesat e tyre në kryeqytet mëngjesin e 1 janarit dhe nuk janë kthyer më, ndërsa familjet nuk kanë dijeni për vendodhjen.
Sikurse mësohet nga policia, secila prej vajzave ka thënë se do të shkonte në shtëpinë e shoqes, por ndërsa prindërit i kanë telefonuar disa orë më pas, ka rezultuar se telefonët e tyre kanë qenë të mbyllur.
“Më datë 01.01.2021, shtetasja A. A dhe shtetasi L. H, kallzojnë se janë larguar nga banesa dhe nuk janë kthyer vajzat e tyre të mitura 16-vjeçare, shoqe me njëra-tjetrën. U bë shpallja në kërkim dhe punohet për gjetjen e tyre”, njofton policia.
Mësohet se njëra prej tyre ka marrë një shumë parash që kishte mbledhur për festa dhe disa veshje e më pas është larguar nga banesa. Policia ka kontrolluar sistemin TIMS, por nuk rezulton që ato të kenë dalë jashtë territorit shqiptar./Opinion.al
