Kronikë

Tiranë/ U qëllua me plumb në kokë, i riu në gjendje të rëndë


               Publikuar në : 14:25 - 22/08/19 |
Opi Nion

Një 30-vjeçar është qëlluar ditën e sotme me armë zjarri në zonën e Myslym Shyrit, në Tiranë. Sipas policisë, ngjarja ka ndodhur rreth ores 11:30, pranë një objekti në rikonstruksioni.

Mësohet se i riu ka qenë punëtor i objektit që po rikonstruktohet në “Myslym Shyri”. I plagosur i është transportuar menjëherë në spital, ku ndodhet në gjendje të rëndë shëndetësore. Në lidhje me ngjarjen, policia po merr në pyetje punëtorët e pallatit, si dhe pronarin, për sqarimin e rrethanave.

Nga të dhënat e deritanishme, bëhet me dije se i ri është qëlluar me plumb në kokë. Ndërkohë policia po vijon punën për zbardhjen e plotë të rrethanave të ngjarjes.

Njoftimi i policisë

Sot rreth orës 11:30 në rrugën “Myslym Shyri”, dyshohet të jetë qëlluar me armë zjarri një shtetas, ende i paidentifikuar, rreth 30 vjeç, pranë një objekti në rikonstruksion.

Shtetasit i është dhënë ndihma e parë dhe u transportua në spital për ndihmë të specializuar. Grupi hetimor vijon punën për zbardhjen e plotë të rrethanave të ngjarjes./ Opinion.al E.Xh.

Pas