Tetë persona janë arrestuar pasi dyshohet se janë të përfshirë në kultivimin e bimës narkotike të llojit hashash në fshatin Gropaj në Tiranë.
Autoritetet njoftojnë se gjatë kontrollit nga ajri është identifikuar një tokë e shpyllëzuar në zonën e quajtur ‘Kroi i Xhepës’ ku pesë shtetas me inicialet R. K., Sh. K., R. K., E. K. dhe D. Sh dyshohet se kanë mbjellë 4 parcelona të vogla me kanabis sativa.
Ndërkohë gjatë kontrollit në një zonë të afërt u gjetën në një qese, rreth 200 fara dhe 80 kubikë të dyshuar me lëndë narkotike cannabis sativa.
Lidhur më ngjarjen, policia ka arrestuar kryeplakun e fshatit Gropaj E. N., 41 vjeç si dhe dy inspektorë pyjesh P. Gj. dhe A. A, të cilët dyshohet se nuk kanë raportuar në polici për zonën që mbulonin.
Sakaq gjatë kontrrollove të ushtruar në Malin e Zallherrit u gjetën tri parcela të vogla me 149 rrënjë të mbjella, të dyshuara narkotike cannabis sativa. Ndërkohë po punohet për identifikimin dhe kapjen e autorëve./ Opinion.al
