Dy gardiane janë sulmuar gjatë orëve të vona të natës në burgun e grave 325, ndërsa njëra prej tyre është dërguar në urgjencë për shkak të dëmtimeve.
Sikurse bën me dije “Panorama” të dyja punonjëset e burgut janë sulmuar nga të burgosura të cilat vuajnë nga probleme të shëndetit mendor.
Mësohet se gardianes së lënduar dhe koleges së saj i kanë ardhur në ndihmë gra të tjera të dënuara, pasi askush tjetër nuk ndodhej në ambientet e burgut.
Në Burgun 325 mësohet se prej disa javësh janë transferuar 25 të dënuara të cilat vuajnë nga probleme të shëndetit mendor. Më parë ato kanë qenë të shtruara në ambientet e Spitalit të Burgut, ku merrnin kujdes të veçantë shëndetësor dhe me kushte të rrepta sigurie. Ato u transferuan në ambientet e Burgut 325 pasi Spitali i Burgut, që ndodhet brenda QSUT, është kthyer si spital COVID, për të burgosurit që mund të infektohen me koronavirus./Opinion.al
