Një grua ka humbur të gjitha paratë që donte të hiqte nga bankomati në një mënyrë krejt të papritur. 37-vjeçarja në zonën e Kamzës, është drejtuar tek një bankomat të tërheqë një shumë parash nga llogaria e saj, por duket se aparatura i ka shfaqur probleme.
Duke menduar se diçka nuk po funksiononte, gruaja është larguar për të hyrë në bankë, por pikërisht në atë moment lekët kanë dalë nga bankomati dhe një person që ndodhej aty pranë i ka marrë duke u larguar me vrap.
Njoftimi i Policisë:
Më datë 03.11.2017, shtetasja N.C, vjeç 37, ka bërë kallëzim se më datë 24.10.2017, në rrugën “Bulevardi Blu”, pasi ka kryer veprimet për të tërhequr nje shume lekesh në bankomatin e nje banke në Kamëz, ka shkuar brenda bankës për të sqaruar pasi bankomati nuk kishte kryer transaksionin dhe për një moment, një person i panjohur vjen në bankomat për të kryer veprime dhe është larguar shumë shpejt prej tij. Punohet për identifikimin e kapjen e autorit. Neni 134 i Kodit Penal.
