Ka shkuar në 220 numri i kamerave të çmontuara në Tiranë, ndërsa 44 persona janë vënë nën hetim.
Sipas policisë, së fundmi, 65 kamera janë vendosur në kundërshtim me ligjin, si dhe u iniciuan hetimet për 7 shtetas, për ndërhyrje të padrejta në jetën private.
Më herët, janë çmontuar 155 kamera dhe u iniciuan hetimet për 37 persona të tjerë.
Në zbatim të këtij plani operacional, në Rrugën e Vilave, “Azem Hajdari”, “Azem Galica”, “Europa”, “Sabri Preveza”, “Sarina”, “Staf Melani”, “Ali Kelmendi”, janë çmontuar 65 kamera. Në vijim të veprimeve procedurale për këto raste, janë iniciuar hetimet për shtetasit I. D., J. M., A. P., E. L., M. B., F. Ll. (L)., F. A., L. Rr., dhe I. K.
Materialet i kaluan Prokurorisë, për veprime të mëtejshme.
