Një sherr me thika ka ndodhur pasditen e sotme në kryeqytet teksa një adoleshent ka mbetur i plagosur me thikë.
Policia ka njoftuar se sherri ka ndodhur mes disa të miturëve teksa e gjitha ka ardhur si pasojë e një konflikti çasti.
Forcat Shqiponja kanë shkuar në vendngjarje dhe kanë shoqëruar dy të dyshuar teksa i palgosuri ka marrë ndihmën e parë mjëksore.
“Më datë 07.04.2021, rreth orës 15:15, në rrugën e “Kavajës”, në afërsi të një lokali si pasojë e një konflikti të çastit shtetasit K. K., 17 vjeç dhe M. T., 16 vjeç, kanë goditur me mjet prerës (thikë) shtetasin e mitur me iniciale A. B, 16 vjeç, i cili u dërgua në spital dhe ndodhet nën kujdesin e mjekëve.
Sherbimet e Forcës së Posaçme “Shqiponjat” falë reagimit të menjëhershëm kanë bërë kapjen dhe shoqërimin e dy të dyshuarve si autorë të ngjarjes në Komisariatin e Policisë Nr.2, për veprime të metejshme hetimore.
Grupi hetimor vijon punën për sqarimin e plotë e rrethanave të ngjarjes.”– njofton policia/Opinion.al
