Policia ka goditur një grup kriminal që ushtronte veprimtarinë kriminale në fushën e shpërndarjes në sasi dhe në doza të drogave të forta heroinë e kokainë.
Si rezultat i operacionit policor të koduar “Kutia e Pandorës” pas një hetimi disajavor janë arrestuar katër persona, drejtuesja e grupit kriminal me inicialet B.F, dhe tre të tjerë.
Bëhet fjalë për: H.B., 41 vjeçe A.K , 45 vjeç, dhe K.B., 20 vjeç, anëtarë të grupit kriminal.
Nga kontrolli i ushtruar në banesat e shtetases B. F., dhe A. K., Policia sekuestroi 6 kilogramë lëndë narkotike heroinë e kokainë, ku një pjesë ishte e ndarë në 1100 doza gati për shitje.
Gjithashtru nga kontrolli u gjetën dhe u sekuestruan dhe shuma të mëdha parash në euro dhe lekë, konkretisht 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.
Nga hetimit e kryera rezulton se këta shtetas vepronin në formën e grupit kriminal që drejtohej nga shtetasja B. F., e cila siguronte lëndën narkotike në sasi të mëdha dhe më pas furnizonte shpërndarësit në doza.
Po nga hetimet është bërë e mundur që të identifikohet edhe personi që furnizonte me sasi kokaine e heroine shtetasen B. F., por për arsye hetimi autoritetet nuk kanë bërë të ditur identitetin e tij./Opinion.al
