Policia e Shtetit ka zbardhur ngjarjen e ndodhur ditën e djeshme, kur një 56-vjeçar u paraqit në Spitalin e Traumës, me dëmtime të shaktuara nga përdorimi i armës së zjarrit.
Ne një njoftim për mediat policia ben me dije se nga hetimet ka rezultuar se A. Sh., ka ushtruar dhunë ndaj bashkëshortes së tij dhe më pas ka tentuar të vrasë veten me armën e zjarrit që e mbante pa leje.
Tashmë 56-vjeçari do të përballet me akuzat “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Në cilësinë e provës materiale u sekuestrua arma e zjarrit pistoletë dhe një sasi municioni luftarak.
