Një ngjarje e rëndë është shënuar në Kamëz, ku një punëtor ka rënë nga kati i 9 i një pallati, duke humbur jetën në vend.
Uniformat blu bëjnë me dije se ngjarja e rëndë ka ndodhur tek rruga “Gryka e Kaçanikut” rreth orës 10:20 të mëngjesit të sotëm.
Nga informacionet mësohet se viktima është identifikuar si shtetasi F.L. 38 vjeç.
“Tiranë/Informacion paraprak
Më datë 22.12.2023, rreth orës 10:20, në rrugën “Gryka e Kaçanikut”, në një kompleks pallatesh në ndërtim e sipër, ka rënë nga lartësia ku ishte duke punuar shtetasi F. L., rreth 38 vjeç, i cili si pasojë ka ndërruar jetë.
Grupi hetimor po punon për sqarimin e rrethanave të ngjarjes.
