Dy persona janë arrestuar në flagrancë nga Policia e Tiranës, teksa po tentonin të grabisnin një automjet.
Polica bën me dije se të arrestuarit janë identifikuar me inicialet V. K., 31 vjeç dhe E. H., 32 vjeç, ky i fundit rezulton se është i dënuar më parë për vjedhje.
Po ashtu, autoritetet kanë mundur të dokumentojnë dhe një grabitje të bërë më herë nga dy të arrestuarit.
Mbi dy të rinjtë rëndon akuza “Vjedhja”, ndërkohë policia po vijon hetimet për të dokumentuar të tjera grabitje që këta shtetas mund të kenë kryer më herët.
Njoftimi i policisë
Operacion për parandalimin e vjedhjeve të automjeteve, zbardhjen e atyre të ndodhura më parë, si dhe për kapjen dhe arrestimin e autorëve.
Finalizohet operacioni policor i koduar “Shëtitësit e natës” nga Komisariti i Policisë Nr. 3.
Kapen dhe arrestohen në flagrancë 2 shtetas, në tentativë për të vjedhur një automjet.
Zbardhet dhe dokumentohet një vjedhje e ndodhur më herët, e kryer nga këta shtetas.
Në vijim të punës për parandalimin e vjedhjeve të automjeteve, zbardhjen e atyre të ndodhura më parë, si dhe për kapjen dhe arrestimin e autorëve, shërbimet e Komisariatit të Policisë Nr. 3, pas kallëzimit të bërë nga pronari i makinës dhe mbi bazën e informacioneve të grumbulluara, kanë organizuar dhe finalizuar operacion policor “Shëtitësit e natës”.
Si rezultat i operacionit, u bë e mundur kapja dhe arrestimi në flagrancë, në tentativë për të vjedhur automjetin në pronësi të shtetasit E. S., në rrugën “Mujo Ulqinaku”, i shtetasve:
K., 31 vjeç dhe E. H., 32 vjeç (i dënuar më parë për vjedhje), të dy banues në Tiranë.
Në bazë të hetimeve dhe të provave materiale (pamjeve filmike dhe dëshmi) rezulton se këta shtetas janë autorë të vjedhjes së një automjeti, në muajin shtator, në rrugën “Bogdanët”.
Vijon puna për zbardhjen e vjedhjeve të tjera, të cilat dyshohet se janë kryer nga këta shtetas.
Materialet proceduriale do t’i referohen Prokurorisë për veprime të mëtejshme, për veprën penale “Vjedhja” e mbetur në tentativë, në ngarkim V. K dhe E. H./ Opinion.al
