Plagosi në këmbë për motive të dobëta 29 vjeçarin, arrestohet nga policia shtetasi F.C, 32 vjeç. Uniformat blu bëjnë me dije se ngjarja ka ndodhur më datë 09.04.2025, gjatë një konflikti për motive të dobëta.
Kështu sipas policisë 32 vjeçari akuzohet për veprat penale “Plagosje e rëndë me dashje”, “Mbajtje pa leje dhe prodhimi i armëve, armëve shpërthyese dhe municionit”.
“Specialistët për Hetimin e Krimeve të Rënda ekzekutuan vendimin e Gjykatës së Tiranës, për ndalimin e shtetasit F. C., 32 vjeç, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe municionit”. Ai akuzohet se më datë 09.04.2025, gjatë një konflikti për motive të dobëta, ka plagosur në këmbë, me armë zjarri, shtetasin G. H., 29 vjeç”, thuhet në njoftimin e policisë së Tiranës.
Materialet procedurale iu referuan Prokurorisë së Tiranës, për veprime të mëtejshme.
