Një i mitur është plagosur me armë zjarri pasditen e sotme në Tiranë. Sipas njoftimit të policisë, 15-vjeçari është paraqitur për ndihmë mjekësore në spital rreth orës 17:10.
Po ashtu, blutë njoftojnë se shkak i plagosjes dyshohet se është bërë një konflikt për motive të dobëta në një piceri tek Ali Demi.
Njoftimi i plotë:
Tiranë/Informacion paraprak.
Rreth orës 17:10, është paraqitur për ndihmë mjekësore në spital një shtetas i mitur 15 vjeç, pasi dyshohet se gjatë një konflikti për motive të dobëta, në një piceri tek Ali Demi, është plagosur me armë zjarri. Aktualisht 15-vjeçari ndodhet në spital, jashtë rrezikut për jetën.
Shërbimet e Policisë së bashku me grupin hetimor kanë shkuar menjeherë në vendngjarje dhe kanë bërë të mundur identifikimin e autorit të dyshuar i cili për arsye se hetimi vijon nuk bëhet i ditur identiteti i tij.
Vijon puna për dokumentimin e plotë e rrethanave të rastit.
