Një makinë është përfshirë nga flakët këtë të premte në Tiranë.
Sipas uniformave blu, ngjarja është regjistruar në rrugën “Xhanfize Keko”, ku mjeti tip “Volkswagen”, me drejtues shtetasin A. Xh., ka marrë flakë në lëvizje e sipër.
Nga informacionet zyrtare dyshohet se zjarri ka rënë si pasojë e një defekti në mjet.
“Me datë 12.05.2023, rreth orës 16:35, në rrugën “Xhanfize Keko”, ka marrë flakë në lëvizje e sipër dhe është djegur pjesërisht mjeti tip “Volkswagen”, me drejtues shtetasin A. Xh., dhe si pasojë e zjarrit ka vetëm dëme materiale.
Paraprakisht dyshohet se zjarri ka rënë si pasojë e një defekti në mjet”, tha policia.
Grupi hetimor po punon për përcaktimin e shkaqeve të rënies së zjarrit./Opinion.al
