Policia rrugore e Tiranës ka vijuar kontrollet për evidentimin e shkelësve të rregullave të qarkullimit rrugor që janë rrezik potencial për përfshirje në aksidente rrugore.
Uniformat blu në një njoftim për mediat bëjnë me dije se në këtë kuadër, gjatë një jave, u arrestuan/proceduan në gjendje të lirë 26 drejtues mjetesh, për shkeljen e rregullave të ndryshme të qarkullimit rrugor.
Janë ndëshkuar me gjobë 955 drejtues mjetesh, për përdorim të celularit gjatë drejtimit të mjeteve.
351 drejtues mjetesh janë ndëshkuar për mosvendosje të rripit të sigurimit.
Për parakalime të gabuara, manovra të rrezikshme në rrugë, shpejtësi mbi normën e lejuar dhe shkelje të tjera të ndryshme, janë ndëshkuar 2100 drejtues mjetesh.
Janë pezulluar 110 leje drejtimi, për drejtim mjeti nën efektin e alkoolit apo në gjendje të dehur, si dhe për shpejtësi tej normave të lejuara.
Janë vendosur 225 gjob apër mosvendosje të kaskës mbrojtëse nga drejtuesit e motomjeteve.
Janë hequr 5 palë targa të çregjistruara apo që u kishte përfunduar afati i përdorimit në shtetin e origjinës.
